یوکرېن د روس سره د ۳۰ ورځو د عمومي ډزبندۍ په اړه د امریکې د تجویز حمایت وکړو، په بدل کې به امریکا یوکرېن سره په پوځي او استخباراتي امداد قدغنونه لرې کړي. دا اعلان د نهې، سه شنبې، په ورځ په سعودي عرب کې د امریکايي او د یوکرېني چارواکو د خبرو اترو وروسته په مشترکه اعلامیه کې وشو.
د اعلاميي ترمخه، امریکا او یوکرېن په دې خبره هم متفق شول د یوکرېن نایابو معدنیاتو ته د امریکې د لاس رسي په اړه به دواړه ملکونه زر تر زره معاهده هم لاس لیک کړي.
په مشترکه اعلامیه کې وویل شوو چې یوکرېن رضامندي ښکاره کړه چې د امریکې په تجویز په سمدستي ډول د موقتي وخت دپاره د ۳۰ ورځو ډزبندي عملي کړي.
د بیان ترمخه د دواړو فریقېنو په رضامندۍ دا ډزبندي د روس سره په هم غږۍ غځېدلی هم شي.
په بیان کې وویل شوو چې امریکا به د روس سره رابطه کوي او د روس جواب امن ترلاسه کولو دپاره بنیادي خبره ده.
مشترکه بیان وویل امریکا به په سمدستي ډول یوکرېن سره د استخباراتي معلوماتو په شریکول ځنډ ختم کړي او یوکرېن سره به د امنیت په برخه مې امداد بیا شروع کړي.
د فېبرورۍ په ۲۸ نېټه په وایټ هاوس کې د یوکرېن صدر ولادومېر زېلېنسکي سره د تاوتریخوالي نه د ډک ملاقات وروسته صدر ډانلډ ټرمپ یوکرېن سره مرسته ځنډولې وه.
Forum