دخالي په ورځ دافغانستان صدر حامد کرزي وئيلي دي چې ددغه هيواد داستخباراتي شبکې په مشراسدالله خالد دترسره شوي ځانمرگي بريد پلان دگاونډي هيواد پاکستان په کوئټه ښار کې جوړ شوى ؤ او دغه معامله به داسلام اباد سره راپورته کوي.
صدر حامد کرزي په پاکستان دغه تور په داسې حال کې لگولى چې تيره ورځ دپاکستان دخارجه وزارت له لوري جاري شوي يو بيان کې په اسدالله خالد دترسره شوي ځانمرگي بريد غندنه شوې ، دغه بيان کې دا هم وئيل شوي وؤ چې پاکستان پرامنه او باثباته افغانستان غواړي دواړه هيوادونه دترهه گرۍ دگډې خطرې سره مخ دي.
دافغانستان دامنيتي شورا پخوانى مشر برهان الدين رباني تير کال دستمبر په مياشت کې هم په دغه شان يو ځانمرگي بريد کې وژل شوى ؤ او دهغه دوژل کيدووروستو هم افغان حکومت تور لگولى ؤ چې په هغه بريد دکوئټې يو اوسيدونکي ترسره کړى ؤ.
دپاکستان حکومت دصدر حامدکرزي ددغه تور په اړه تر دې مهاله خپل غبرگون نۀ دى څرگند کړى.
دنهې په ورځ يو ځانمرگي دامن دپيغام رسونکي په شکل کې دافغانستان داستخباراتي شبکې په مشر اسدالله خالد ځانمرگي بريد ترسره کړى ؤ چې پکې هغه ژوبل شوى ؤ.
ددغه بريد مسؤليت طالبانو په غاړه اخستى.
يو مطبوعاتي کانفرنس ته په وينا کې صدر حامد کرزي وويل هغه به په اسدالله خالد دځانمرگي بريد معامله پاکستان سره راپورته کوي.
صدر کرزي وويل په ظاهري ډول خو دنورو بريدونو پشان ددغه بريد مسؤليت هم طالبانو په غاړه اخستى خو دومره پيچيده بريد چې پکې بريدکوونکي بم دخپل بدن دننه پټ کړى ؤ، دا دطالبانو کار نۀ دى.
صدر کرزي وويل دا يو مکمله پيشه وارانه(کار) ؤ، طالبان دغسې نۀ شي کولى .
هغه زياته کړه په دغه بريد کې لويې او پيشه وارانه لاسونه ککړ دي.
دهغه وينا وه دترکي ددورې په مهال به په دغه معامله پاکستاني چارواکو سره خبرې اترې کوي.
صدر وويل دا زمونږ لپاره ډيره مهمه معامله ده او مونږ هيله لرو چې دپاکستان حکومت به په دې اړه مونږ ته سم معلومات راکړي او په سنجيده ډول به راسره همکاري وکړي چې دغه شان په دې حواله مونږ کوم شکونه لرو هغه ختم شي.
افغان چارواکو په تيرو وختونو کې په پاکستان دافغانستان دوسله والو ډلو دملاتړ تورونه لگولي او دکابل او اسلام اباد ترمينځ اړيکو کې تاؤتريخوالى دپولې پورې غاړې دوسله والو جنگيالو له لوري په ترسره کيدونکو بريدونو هم راولاړ شوى.
پاکستان دافغان جنگيالو دملاتړ تورونه ردوي او وائي چې دافغان حکومت سره ددغو ډلو دمذاکراتو ميز ته په راوستو کې ملاتړ کوي.
صدر حامد کرزي په پاکستان دغه تور په داسې حال کې لگولى چې تيره ورځ دپاکستان دخارجه وزارت له لوري جاري شوي يو بيان کې په اسدالله خالد دترسره شوي ځانمرگي بريد غندنه شوې ، دغه بيان کې دا هم وئيل شوي وؤ چې پاکستان پرامنه او باثباته افغانستان غواړي دواړه هيوادونه دترهه گرۍ دگډې خطرې سره مخ دي.
دافغانستان دامنيتي شورا پخوانى مشر برهان الدين رباني تير کال دستمبر په مياشت کې هم په دغه شان يو ځانمرگي بريد کې وژل شوى ؤ او دهغه دوژل کيدووروستو هم افغان حکومت تور لگولى ؤ چې په هغه بريد دکوئټې يو اوسيدونکي ترسره کړى ؤ.
دپاکستان حکومت دصدر حامدکرزي ددغه تور په اړه تر دې مهاله خپل غبرگون نۀ دى څرگند کړى.
دنهې په ورځ يو ځانمرگي دامن دپيغام رسونکي په شکل کې دافغانستان داستخباراتي شبکې په مشر اسدالله خالد ځانمرگي بريد ترسره کړى ؤ چې پکې هغه ژوبل شوى ؤ.
ددغه بريد مسؤليت طالبانو په غاړه اخستى.
يو مطبوعاتي کانفرنس ته په وينا کې صدر حامد کرزي وويل هغه به په اسدالله خالد دځانمرگي بريد معامله پاکستان سره راپورته کوي.
صدر کرزي وويل په ظاهري ډول خو دنورو بريدونو پشان ددغه بريد مسؤليت هم طالبانو په غاړه اخستى خو دومره پيچيده بريد چې پکې بريدکوونکي بم دخپل بدن دننه پټ کړى ؤ، دا دطالبانو کار نۀ دى.
صدر کرزي وويل دا يو مکمله پيشه وارانه(کار) ؤ، طالبان دغسې نۀ شي کولى .
هغه زياته کړه په دغه بريد کې لويې او پيشه وارانه لاسونه ککړ دي.
دهغه وينا وه دترکي ددورې په مهال به په دغه معامله پاکستاني چارواکو سره خبرې اترې کوي.
صدر وويل دا زمونږ لپاره ډيره مهمه معامله ده او مونږ هيله لرو چې دپاکستان حکومت به په دې اړه مونږ ته سم معلومات راکړي او په سنجيده ډول به راسره همکاري وکړي چې دغه شان په دې حواله مونږ کوم شکونه لرو هغه ختم شي.
افغان چارواکو په تيرو وختونو کې په پاکستان دافغانستان دوسله والو ډلو دملاتړ تورونه لگولي او دکابل او اسلام اباد ترمينځ اړيکو کې تاؤتريخوالى دپولې پورې غاړې دوسله والو جنگيالو له لوري په ترسره کيدونکو بريدونو هم راولاړ شوى.
پاکستان دافغان جنگيالو دملاتړ تورونه ردوي او وائي چې دافغان حکومت سره ددغو ډلو دمذاکراتو ميز ته په راوستو کې ملاتړ کوي.