دبشري حقونو نړيوال تنظيم ايمنسټي انټر نيشنل دپاکستان قبائيلي سيمو کې دبشري حقونو په سرغړونه دانديښنې څرگندونه کړې او پخپل يو اوسني راپور کې يې وئيلي دي چې قبائيلي سيمو کې دانصاف په ورکړه او په بين المللي قوانينو دعمل دنۀ کولو له امله دغلته دبشري حقونو صورتحال بدتر کيدى شي.
دايمنسټي انټر نيشنل لخوا دزيارت په ورځ جاري شوي د93ؤ پاڼو په دغه راپور کې دپاکستاني حکومت، طالب جنگيالو او ظلم او زياتي دښکار سلگونو داسې کورنو سره مرکې شوي چې دهغوي ځوان رشته داران يا خو وژل شوي يا دتيرو څو کلونو راهسې بې درکه دي.
دايمنسټي انټرنيشنل دبحرالکاهل ډپټي ډائريکټر پولي ټرو اسکاټ وائس اف امريکا سره يوه ځانگړې مرکه کې وويل دتيرو څو کلونو راهسې دتشدد او جگړې ښکار دپاکستان قبائيلي اولس نن هم دظلم او زياتي ښکار دى خو هغوي ته تر دې مهاله تحفظ نۀ دى ورکړل شوى.
هغه وويل که يو خوا قبائيلي اولس دطالبانو له لوري دبريدونو او وژنې دويرې سره مخ دى نو بلخوا دپاکستاني پوځ 2011م کې پرته له کوم جرم تر نامعلومې مودې په بند کې دساتلو پشان دقوانينو او اختياراتو په وجه هم قبائيلي اولس په پريشانۍ او مصيبت کې اخته دى.
دايمنسټي انټرنيشنل په دغه راپور کې قبائيلي سيمو کې دبې درکه کسانو په معامله دسختو تحفظاتو څرگندونه شوې او وئيل شوي دي چې په اکثره سيمو کې دپاکستان پوځ پخپل کنټرول قائمولو کې بريالى شوى خو دغلته دزرگونو په شمير کې دبې درکه قبائيلي ځوانانو دکورنو اکثريت په دغسې کيسونو کې په پاکستاني چارواکو دککړتيا تورونه لگوي.
دپاکستان حکومت او پوځ بيا بيا قبائيلي سيمو کې دبشري حقونو دخلاف ورزۍ پيښو کې دککړتيا څخه انکار کړى او په قبائيلي سيمو کې دبشري حقونو دسرغړونې اکثره پيښې دجنگيالو دکارروائيو سره تړي.
دايمنسټي انټرنيشنل په راپور کې دطالب جنگيالو لخوا دسيمه ييزې ابادۍ په ضد دظلم او زياتي پيښې هم په تفصيل سره بيان شوي دي.
دپولي ټرو اسکاټ ترمخه طالبان ، جنگيالي دخبرې نۀ اوريدونکو دوژلو لپاره داسلامي قوانينو په استحصال کې ککړ دي.
هغه وائي دملالې يوسفزۍ او ددې پشان نور زياتره مثالونه موجود دي ، چرته چې دجنگيالو دظلم په ضد پورته کيدونکى غږ خاموش کولى شي.
ايمنسټي انټرنيشنل دپاکستان په قبائيلي سيمو جاري کړل شوؤ سفارشونو کې دپاکستان حکومت څخه 2011م کې پوځ ته دAACRP ريلگوليشن لاندې دورکړل شوؤ اختياراتو دخاتمې، دايف سي ار دقانون دغيرانساني او غيرقانوني گرځولو په ترڅ کې ددې دخاتمې او دپاکستاني عدالتونو داختيار دائره تر قبائيلي سيمو پورې دغځولو دغوښتنې کولو سره دپاکستان په حکومت ټينگار کړى چې قبائيلي اولس ته دې هم دعامو پاکستانيانو پشان حقونه او اختيارات ورکړى شي.
په برطانيه کې دپاکستان هائي کمشنر واجدشمس الحسن وائس اف امريکا سره خبرو کې دايمنسټي انټرنيشنل په راپور دتبصرې کولو څخه ډډه وکړه او وې وئيل په دغه اړه دپاکستان خارجه وزارت درايې ورکولو حق لري.
دايمنسټي انټر نيشنل لخوا دزيارت په ورځ جاري شوي د93ؤ پاڼو په دغه راپور کې دپاکستاني حکومت، طالب جنگيالو او ظلم او زياتي دښکار سلگونو داسې کورنو سره مرکې شوي چې دهغوي ځوان رشته داران يا خو وژل شوي يا دتيرو څو کلونو راهسې بې درکه دي.
دايمنسټي انټرنيشنل دبحرالکاهل ډپټي ډائريکټر پولي ټرو اسکاټ وائس اف امريکا سره يوه ځانگړې مرکه کې وويل دتيرو څو کلونو راهسې دتشدد او جگړې ښکار دپاکستان قبائيلي اولس نن هم دظلم او زياتي ښکار دى خو هغوي ته تر دې مهاله تحفظ نۀ دى ورکړل شوى.
هغه وويل که يو خوا قبائيلي اولس دطالبانو له لوري دبريدونو او وژنې دويرې سره مخ دى نو بلخوا دپاکستاني پوځ 2011م کې پرته له کوم جرم تر نامعلومې مودې په بند کې دساتلو پشان دقوانينو او اختياراتو په وجه هم قبائيلي اولس په پريشانۍ او مصيبت کې اخته دى.
دايمنسټي انټرنيشنل په دغه راپور کې قبائيلي سيمو کې دبې درکه کسانو په معامله دسختو تحفظاتو څرگندونه شوې او وئيل شوي دي چې په اکثره سيمو کې دپاکستان پوځ پخپل کنټرول قائمولو کې بريالى شوى خو دغلته دزرگونو په شمير کې دبې درکه قبائيلي ځوانانو دکورنو اکثريت په دغسې کيسونو کې په پاکستاني چارواکو دککړتيا تورونه لگوي.
دپاکستان حکومت او پوځ بيا بيا قبائيلي سيمو کې دبشري حقونو دخلاف ورزۍ پيښو کې دککړتيا څخه انکار کړى او په قبائيلي سيمو کې دبشري حقونو دسرغړونې اکثره پيښې دجنگيالو دکارروائيو سره تړي.
دايمنسټي انټرنيشنل په راپور کې دطالب جنگيالو لخوا دسيمه ييزې ابادۍ په ضد دظلم او زياتي پيښې هم په تفصيل سره بيان شوي دي.
دپولي ټرو اسکاټ ترمخه طالبان ، جنگيالي دخبرې نۀ اوريدونکو دوژلو لپاره داسلامي قوانينو په استحصال کې ککړ دي.
هغه وائي دملالې يوسفزۍ او ددې پشان نور زياتره مثالونه موجود دي ، چرته چې دجنگيالو دظلم په ضد پورته کيدونکى غږ خاموش کولى شي.
ايمنسټي انټرنيشنل دپاکستان په قبائيلي سيمو جاري کړل شوؤ سفارشونو کې دپاکستان حکومت څخه 2011م کې پوځ ته دAACRP ريلگوليشن لاندې دورکړل شوؤ اختياراتو دخاتمې، دايف سي ار دقانون دغيرانساني او غيرقانوني گرځولو په ترڅ کې ددې دخاتمې او دپاکستاني عدالتونو داختيار دائره تر قبائيلي سيمو پورې دغځولو دغوښتنې کولو سره دپاکستان په حکومت ټينگار کړى چې قبائيلي اولس ته دې هم دعامو پاکستانيانو پشان حقونه او اختيارات ورکړى شي.
په برطانيه کې دپاکستان هائي کمشنر واجدشمس الحسن وائس اف امريکا سره خبرو کې دايمنسټي انټرنيشنل په راپور دتبصرې کولو څخه ډډه وکړه او وې وئيل په دغه اړه دپاکستان خارجه وزارت درايې ورکولو حق لري.