دافغانستان دپولې ترڅنگ دپاکستان په قبائيلي سيمه جنوبي وزيرستان کې په يوه انتخابي جلسه راکټي بريد کې لږ ترلږه يو تن وژل شوى اؤ نهه نور ژوبل شوي دي.
سرچينې وائي دجمعې په ورځ دجنوبي وزيرستان په مرکزي سيمه وانا کې دقومي اسمبلۍ دحلقه اين اى 41 لپاره دازاد کانديد نصرالله انتخابي جلسه روانه وه چې دنامعلومو کسانو پرې درې راکټونه وداغل.
په دغه راکټي بريد کې دمحمد نور په نوم يو تن وژل شوى اؤ 9 کسان ژوبل شوي چې دهغوي څخه هم دځينو حالت نازک ښودل کيږي اؤ وانا ضلعي هسپتال ته وړل شوي دي.
پاکستان کې دقومي اؤ صوبائي اسمبلو عام انتخابات په 11 مئ ترسره کيدونکي دي اؤ دتيرو څو ورځو راهسې پاکستان اؤ په ځانگړې توگه خيبرپښتونخوا اؤ قبائيلي سيمو کې دسياسي گوندونو په مشرانو، کارکوونکو اؤ انتخابي کانديدانو بريدونو کې تر ډيره حده اضافه راغلې ده.
په دغو بريدونو کې دزياترو ذمه واري دپاکستاني طالبانو تحريک په غاړه اخستې ، خو جنوبي وزيرستان کې دازاد کانديد په جلسه کې دترسره شوې دغه حملې مسؤليت تر دې مهاله چا په غاړه نۀ دى اخستى.
له دې وړاندې دطالبانو دملا نذير ډلې ټولو کانديدانو ته خبردارى ورکړى ؤ چې هغوي په وانا کې دجلسو کولو څخه ډډه وکړي، که چې دطالبانو ځينې ډلې هغوي په نخښه کولى شي.
بلخوا هم دجمعې په ورځ نامعلومو وسله والو دخيبرپښتونخوا په ټانک سيمه کې دپوليو دمخنيوي دڅاڅکو په يوه ډله بريد کړى چې پکې دصحت دوه کارکوونکي ژوبل شوي دي.
پوليس وائي ژوبل شوي دواړه کارکوونکي نارينه دي اؤ يو نزدې روغتون ته رسول شوي دي، دپيښې وروستو بريدکوونکي تيښته کې بريالي شوي.
سرچينې وائي دجمعې په ورځ دجنوبي وزيرستان په مرکزي سيمه وانا کې دقومي اسمبلۍ دحلقه اين اى 41 لپاره دازاد کانديد نصرالله انتخابي جلسه روانه وه چې دنامعلومو کسانو پرې درې راکټونه وداغل.
په دغه راکټي بريد کې دمحمد نور په نوم يو تن وژل شوى اؤ 9 کسان ژوبل شوي چې دهغوي څخه هم دځينو حالت نازک ښودل کيږي اؤ وانا ضلعي هسپتال ته وړل شوي دي.
پاکستان کې دقومي اؤ صوبائي اسمبلو عام انتخابات په 11 مئ ترسره کيدونکي دي اؤ دتيرو څو ورځو راهسې پاکستان اؤ په ځانگړې توگه خيبرپښتونخوا اؤ قبائيلي سيمو کې دسياسي گوندونو په مشرانو، کارکوونکو اؤ انتخابي کانديدانو بريدونو کې تر ډيره حده اضافه راغلې ده.
په دغو بريدونو کې دزياترو ذمه واري دپاکستاني طالبانو تحريک په غاړه اخستې ، خو جنوبي وزيرستان کې دازاد کانديد په جلسه کې دترسره شوې دغه حملې مسؤليت تر دې مهاله چا په غاړه نۀ دى اخستى.
له دې وړاندې دطالبانو دملا نذير ډلې ټولو کانديدانو ته خبردارى ورکړى ؤ چې هغوي په وانا کې دجلسو کولو څخه ډډه وکړي، که چې دطالبانو ځينې ډلې هغوي په نخښه کولى شي.
بلخوا هم دجمعې په ورځ نامعلومو وسله والو دخيبرپښتونخوا په ټانک سيمه کې دپوليو دمخنيوي دڅاڅکو په يوه ډله بريد کړى چې پکې دصحت دوه کارکوونکي ژوبل شوي دي.
پوليس وائي ژوبل شوي دواړه کارکوونکي نارينه دي اؤ يو نزدې روغتون ته رسول شوي دي، دپيښې وروستو بريدکوونکي تيښته کې بريالي شوي.
