واشنگټن —
په امريکا کې په ترهگرۍ پړ شوې پاکستانۍ عافيه صديقي باندې د پاکستان مذهبي، ښي او ځينوکيڼ اړخو گوندونو د ٢٠٠٨م نه په دېخوا سياسي مېدان تود کړی وو خو چې وخت د عافيه صديقي د خور فوزيه صديقي په ټاکنو کې د برخې اخستو راغی نو جماعت اسلامي او نورو سياسي پارټيو فوزيه صديقي په اوچه ډاگه پرېښوده. نوموړې ته په انتخاباتو کې د جماعت اسلامي په گډون، په پاکستان کې د عافيه صديقي نورو وکيلانو لکه په کيڼ اړخو کې پيپلز پارټۍ ، اېم کيو اېم او په ښي اړښو کې مسلم ليگ (ن) او (ق) او د کرکټ پخواني ستوري عمران خان تحریک انصاف هم د ملاتړ نه ډډه کړې.
تر دې دمه داسې ښکاري چې فوزیه صدیقي به اوس د کراچۍ نه د پارلیمان د ٢٥٠ مې څوکۍ لپاره په ازاده توگه د جماعت اسلامي د نعمت الله خان سره مقابله کوي. پاکستاني میډیا کې رپورټونه وايي چې د ملاتړ پرځائې جماعت اسلامي غواړي فوزیه صدیقي په ټاکنو کې د برخې اخستو نه پشا شي. د پاکستان د قامي اسمبلۍ د ٢٥٠مې څوکۍ لپاره پخواني پوځي امر جنرل پرویز مشرف هم کاغذونه ورکړي وو خو انتخابي چارواکو د جنرل صیب کاغذونه رد کړي وو.
مذهبي، ښي او کیڼ اړخه گوندونه که اوس د عافیه صدیقي سره درغلي کوي نو پخوا يي د عافیه صدیقي په اړه پاکستاني اولس ته هم رېښتیا نه دي ویلي. دغو ټولو په گډه عافیه صدیقي باندې د ترهگرۍ لگول شوي تورونه دروغ بللي وو او هغه يي "سپین باز" گرځولې وه.
د پیپلز گوند پخواني وزیراعظم سید یوسف رضا گیلاني ورته په پارلیمان کې د "دختر پاکستان" لقب ورکړی وو. جماعت اسلامي او جمیعت علما اسلام به د عافیه صدیقي په سر د احتجاجونو مشري کوله او په اولس کې به يي د هغه وخت د پاکستان حکومت او امریکا ضد احساسات پارول. مسلیم لیگ نون، تحریک انصاف، او په ظاهره کیڼ اړخه ایم کیو ایم ټولو په پارلیمان او میډیا کې د عافیه صدیقي قضیه پخپلو سیاسي دکانونو کې لکه د سوچه شهدو او پیوو په شان خرڅوله. ځائې په ځائې پریس کانفرنسونو، جلسې جلوسونه او شعارونه دا هغه وخت تر ټولو ښه خرڅیدونکې توکي وو.
د عافیه صدیقي په ترهگرۍ کې د ممکنه ککړتیا په اړه ټول سیاسي گوندونه چپه خوله وو. او په دغه تگ لاره اخیری مهر بیا پخواني وزیراعظم په پارلیمان کې وولگو. عام اولس ته د عافیه صدیقي په اړه د بهرنۍ میډیا او یا بیا هله خبر شول چې پاکستان کې موجودو ترهگرو او تند لارو ډلو د عافیه صدیقي د نیولو پر ضد د بدل اخستلو گواښونه ورکول پیل کړل او د هغې په نوم يي "عافیه صدیقي بریگیډ" جوړ کړو. دغه شان په بهرنۍ میډیا کې دا خبرونه خپور شول چې د عافیه صدیقي لومړی خاوند مشکوک ترهگر وو او دویم خاوند عمار البلوچي په گوانټانامو کې د ترهگرۍ په تور بندي دی. او دا يي څه کوۍ چې خاوند یي د ١١ م سپټمبر د حملو د پلان کونکي خالد شیخ محمد رواره او د بل ترهگر رمزي یوسف د ترور ځوی هم دی. خالد شیخ محمد او رمزي یوسف دواړه پاکستان کې نیول شوي وو. په ورستي تور دی چې په ١٩٩٣ کې يي په نیویارک کې په ورلډ ټریډ سینټر بمي حمله کړې وه. خالد شیخ محمد د نیولو ورسته دا منلي وو چې عافیه صدیقي د القاعدې د پاره کار کوي خو د برطانيي ورځپاڼې انډیپنډنټ خبریال رابرټ فسک په خپل یو رپورټ کې پخوا ویلي وو چې کیدی شي خالد شیخ محمد رېښتیا ویلي وي خو د هغه دغه بیان د امریکې لخوا په قید کې د سختو سزاگانو لکه واټر بورډنگ نه ورسته راغلی وو نو ځکه زیات باور پې کیدی نشي. رابرټ فسک د عافیه صدیقي په افغانستان کې نیولو، بیرته پاکستان کې د هغې خپلې کورنۍ سره لیده کاته او د هغې د دریو بچو په اړه ټولې قیصې ته د رازونو ډکه قیصه وايي.
د امریکې په عدالت کې د عافیه صدیقي سره انصاف باندې به تل د پاکستان مذهبي او ښي اړخه گوندونه ټکونه کوي خو د هغې د خور فوزیه صدیقي سره په انتخابي کمپاین کې د ملگرتیا نه کولو په سر، ناقدین به هم په جماعت اسلامي او یا د عافیه صدیقي نورو پلوي سیاسي گوندونو باندې نیوکې کوي او دا پوښتنه به کوي چې که د عافیه صدیقي په اړه د هغوي دریځ سم وو نو بیا ولې د دختر پاکستان خور فوزیه صدیقي په گډه د پارلیمان غړې نه جوړوي.
تر دې دمه داسې ښکاري چې فوزیه صدیقي به اوس د کراچۍ نه د پارلیمان د ٢٥٠ مې څوکۍ لپاره په ازاده توگه د جماعت اسلامي د نعمت الله خان سره مقابله کوي. پاکستاني میډیا کې رپورټونه وايي چې د ملاتړ پرځائې جماعت اسلامي غواړي فوزیه صدیقي په ټاکنو کې د برخې اخستو نه پشا شي. د پاکستان د قامي اسمبلۍ د ٢٥٠مې څوکۍ لپاره پخواني پوځي امر جنرل پرویز مشرف هم کاغذونه ورکړي وو خو انتخابي چارواکو د جنرل صیب کاغذونه رد کړي وو.
مذهبي، ښي او کیڼ اړخه گوندونه که اوس د عافیه صدیقي سره درغلي کوي نو پخوا يي د عافیه صدیقي په اړه پاکستاني اولس ته هم رېښتیا نه دي ویلي. دغو ټولو په گډه عافیه صدیقي باندې د ترهگرۍ لگول شوي تورونه دروغ بللي وو او هغه يي "سپین باز" گرځولې وه.
د پیپلز گوند پخواني وزیراعظم سید یوسف رضا گیلاني ورته په پارلیمان کې د "دختر پاکستان" لقب ورکړی وو. جماعت اسلامي او جمیعت علما اسلام به د عافیه صدیقي په سر د احتجاجونو مشري کوله او په اولس کې به يي د هغه وخت د پاکستان حکومت او امریکا ضد احساسات پارول. مسلیم لیگ نون، تحریک انصاف، او په ظاهره کیڼ اړخه ایم کیو ایم ټولو په پارلیمان او میډیا کې د عافیه صدیقي قضیه پخپلو سیاسي دکانونو کې لکه د سوچه شهدو او پیوو په شان خرڅوله. ځائې په ځائې پریس کانفرنسونو، جلسې جلوسونه او شعارونه دا هغه وخت تر ټولو ښه خرڅیدونکې توکي وو.
د عافیه صدیقي په ترهگرۍ کې د ممکنه ککړتیا په اړه ټول سیاسي گوندونه چپه خوله وو. او په دغه تگ لاره اخیری مهر بیا پخواني وزیراعظم په پارلیمان کې وولگو. عام اولس ته د عافیه صدیقي په اړه د بهرنۍ میډیا او یا بیا هله خبر شول چې پاکستان کې موجودو ترهگرو او تند لارو ډلو د عافیه صدیقي د نیولو پر ضد د بدل اخستلو گواښونه ورکول پیل کړل او د هغې په نوم يي "عافیه صدیقي بریگیډ" جوړ کړو. دغه شان په بهرنۍ میډیا کې دا خبرونه خپور شول چې د عافیه صدیقي لومړی خاوند مشکوک ترهگر وو او دویم خاوند عمار البلوچي په گوانټانامو کې د ترهگرۍ په تور بندي دی. او دا يي څه کوۍ چې خاوند یي د ١١ م سپټمبر د حملو د پلان کونکي خالد شیخ محمد رواره او د بل ترهگر رمزي یوسف د ترور ځوی هم دی. خالد شیخ محمد او رمزي یوسف دواړه پاکستان کې نیول شوي وو. په ورستي تور دی چې په ١٩٩٣ کې يي په نیویارک کې په ورلډ ټریډ سینټر بمي حمله کړې وه. خالد شیخ محمد د نیولو ورسته دا منلي وو چې عافیه صدیقي د القاعدې د پاره کار کوي خو د برطانيي ورځپاڼې انډیپنډنټ خبریال رابرټ فسک په خپل یو رپورټ کې پخوا ویلي وو چې کیدی شي خالد شیخ محمد رېښتیا ویلي وي خو د هغه دغه بیان د امریکې لخوا په قید کې د سختو سزاگانو لکه واټر بورډنگ نه ورسته راغلی وو نو ځکه زیات باور پې کیدی نشي. رابرټ فسک د عافیه صدیقي په افغانستان کې نیولو، بیرته پاکستان کې د هغې خپلې کورنۍ سره لیده کاته او د هغې د دریو بچو په اړه ټولې قیصې ته د رازونو ډکه قیصه وايي.
د امریکې په عدالت کې د عافیه صدیقي سره انصاف باندې به تل د پاکستان مذهبي او ښي اړخه گوندونه ټکونه کوي خو د هغې د خور فوزیه صدیقي سره په انتخابي کمپاین کې د ملگرتیا نه کولو په سر، ناقدین به هم په جماعت اسلامي او یا د عافیه صدیقي نورو پلوي سیاسي گوندونو باندې نیوکې کوي او دا پوښتنه به کوي چې که د عافیه صدیقي په اړه د هغوي دریځ سم وو نو بیا ولې د دختر پاکستان خور فوزیه صدیقي په گډه د پارلیمان غړې نه جوړوي.
