گيلاني ته دسترې محکمې لخوا دليکلي بيان جمع کولو امر

دپاکستان سترې محکمې وزيراعظم سيد يوسف رضا گيلاني ته دعدالت دسپکاوي مقدمه کې دخپل ليکلي بيان تر 19م مارچ پورې دجمع کولو امر کړى دى.
دجسټس ناصرالملک په مشرۍ اووۀ کسيز بينچ دزيارت په ورځ دمقدمې داورونې په موقع وويل که چرې وزيراعظم ليکلى بيان نۀ جمع کوي بيا به ورته په 21م مارچ عدالت ته وړاندې کيدل او خپل بيان قلم بند کول وي.
داورنې په مهال اټارني جنرل مولوي انوارالحق ددغه مقدمې په مهم گواه او دکابينې سکترې نرگس سيټې باندې جرح هم مکمل کړه.
نرگس سيټي دشورو په ورځ سترې محکمې ته مخ په مخ وئيلي وؤ هغه چې تر څومره مودې پورې دوزيراعظم دپرنسپل سيکرټري په عهده پاتې شوې نو وزيراعظم گيلاني ته دصدر اصف علي زرداري په ضد دشکمنو بدعنوانۍ دمقدمو دبيا پرانستو په اړه دقانون دوزارت له لوري کومه سمري نۀ ده ترلاسه شوې.
خو هغه خپل بيان کې وويل دقانون وزارت په 21مه مئ او 23م ستمبر 2010م کې گيلاني ته سمرۍ استولې وې چې پکې دهاغه وخت دقانون وزير باپراعوان او سکتر پيرمسعودت چشتي وئيلي وؤ په سوئيټرزر لينډ کې دمقدمو بيا پرانستو لپاره دهاغه ځايې چارواکو ته دخط ليکلو هيڅ ضرورت نشته ځکه چې دغه مقدمې بيرته اخستل شوي.
دعدالت دسپکاوي مقدمه کې دوزيراعظم گيلاني وکيل اعتزاز احسن دشورو په ورځ په نرگس سيټهي جرح کړې وه، په دغه موقع عدالت پخپلو څرگندونو کې دهغه اکثره پوښتنې غيراړونده گرځولې وې. دمقدمې راتلونکې اورونه به دمارچ په 21م مارچ کيږي