د پاکستان قامي ډله سبا اولمپک لوبو کې گډون لپاره لندن ته روانيږي

د لوبو تر ټولو سترو مقابلو لندن اولمپکس کې دبرخې اخستو لپاره به د پاکستان قامي ډله سبا لندن ته روانيږي.
په لندن اولمپکس کې برخه اخستونکې د پاکستان قامي ډله کې يو لامبوزن يا سوئمر، دوه اتهليت، يو شوټر او پينځه نور مشران شامل دي.
دوه اتهليټس او انتظامي مشران به پايتخت اسلام اباد، يو شوټر او انتظامي مشر به کراچۍ او يو لامبوزن او دوه مشران به لاهور څخه روانيږي.
ښځينه لامبوزنه انعم بانډى به هم د لندن څخه دپاکستان قامي ډله کې برخه اخلي.
د اولمپکس لپاره د پاکستان هاکۍ ټيم کواليفائي کړې او دوړاندې څخه په لندن کې موجود ده.
د هاکۍ ډله به د نهې ورځې نه خپل د پريکټس ميچونه پيل کوي
دپاکستان د هاکۍ قامي ټيم داولمپکس لوبو دتيارو په حواله خپل دپريکټس ميچ نن دبيلجئيم په ضد کوي، پاکستان به خپل دوهم پريکټس ميچ په 26مه جولايۍ هالينډ سره کوي.
په ډاگه دې وي چې دلوبو تر ټولو سترې مقابلې لندن اولمپکس 2012 به دروانې مياشتې په 27مه نيټه لندن کې پيل کيږي ، چې ددغو لوبو لپاره ټولې تيارۍ سرته رسول شوي او برطانوي حکومتي دلوبو دحفاظت لپاره سخت امنيتي گامونه اخستي.