پاکستان پوځ عملياتو کې د امريکائي پوځيانو د برخه اخستو رپوټونه رد کړي

پاکستاني پوځ دوکي ليکس له لوري د پاکستان په قبائيلي سيمو شمالي او جنوبي وزيرستان کې دامريکائي پوځيانو دموجوديت په اړه خپارۀ شوي راپورونه رد کړي.
دخالي په ورځ دپاکستان دپوځ دمطبوعاتي څانگې وياند دسپيناوي پخپل يو لنډ بيان کې وئيلي دي په قبائيلي سيمو کې دتندلارو په ضد روانو عملياتو کې هيڅ يو امريکائي پوځي برخه نۀ لري
دامريکائي سفارتي مراسلو څخه چې دپاکستان دانگريزۍ ژبې يوې ورځپاڼې ته ترلاسه شوي دي دپاکستان په خاوره دامريکائي ځواکونو دفعاليتونو په اړه نوي تفصيلات په ډاگه شوي دي.
راپورونه وائي چې دکال 2009م دگرمۍ په موسم کې امريکائي ځواکونه دپاکستاني پوځيانو سره يو ځايې شوي او ددغه کال دستمبر په مياشت کې دپاکستان په خاوره کې دگډو عملياتو لپاره هغوي سره گمارل شوي وؤ.
دوکي ليکس لخوا دغه انکشاف يوه ورځ وروستو له هغې شوى چې تيره ورځ هم په يو راپور کې ادعا شوې وه چې دپاکستاني پوځ سرلښکر جنرل اشفاق پرويز کياني امريکا څخه دډرون الوتکو مدد غوښتى ، خو پوځ دغه راپور رد کړى ؤ.
گڼ شمير کيبلز يا مراسلې ښائي چې امريکا غوښتل امريکائي عسکر دپاکستاني پوځيانو سره يو ځايې کړي.
په پاکستان کې دهاغه وخت امريکائي سفيرې اين ډبليو پيټرسن دکال 2009م په نومبر کې ليکلي وؤ چې په قبائيلي سيمو کې کارروايۍ به (دپاکستاني ځواکونو سره گډو) امريکائي سپيشل اپريشنز ځواکونو ته نورې موقعې په لاس ورکړي.
پيټرسن ليکي چې دکال 2009م دستمبر پورې دگډو استخباراتي هلو ځلو منصوبې دپوځي هيډکوارټرز شاملولو پورې پراخه کړل شوې.