د کشمیر په مسله د احمقانو په جنت کې مه اوسېږئ، قرېشي وايي

د پاکستان د بهرنيو چارو وزير شاه محمود قريشي ويلي د کشمیر په لانجه د ملگرو ملتونو د امنیتيی شورا پنځو غړو کې څوک هم خنډ جوړېدی شي.

نوموړي د پاکستان د انتظام لاندې کشمیر مظفراباد ښار کې مطبوعاتي کانفرنس کې په لومړي ځل د پاکستان ډپلومېټکي مجبوریو ته په اشاره کې د انگریزۍ ژبې متل هم یاد کړو چې وايي د "احمقانو په جنت" کې اوسېدل پکار نه دي.

ښاغلي قرېشي په مطبوعاتي کانفرنس کې په اسلامي هېوادونو هم غیر مستقیم ټکونه وکړل.

هغه وویل "هڅې خو مونږ د امت او اسلام خبره کوو خو د امت د محافظانو هلته ډېرې پنگې دي. هلته یې ډیرې گټې دي."

مطبوعاتي کانفرنس کې شاه محمود قرېشي وویل وزير اعظم عمران خان به په راروانه مياشت (ستمبر) کې د هند د انتظام لاندې د کشميريانو مقدمه ملګرو ملتونوته وړي او وايي د سلامتي کونسل په پينځه و غړو کې کوم يو غړی هم په دې لار کې خنډ جوړيدی شي .

د کشميريانو سره د يو والې دپاره د پاکستان سياسي مشران چې پکې بلاول بهټو زرداري او د مسلم ليګ ن اقبال ظفر جګړا او د حکومتي واکمن تحريک انصاف شاه محمود قريشي شامل دي نن د لوی اختر نمونځ د پاکستان د واک لاندې کشمير په مظفر اباد کې ادا کړی دی.

د پاکستان د بهرنیو چارو وزير ويلي چې پاکستان د سلامتي کونسل غړی نه دی او مونږ له د کشميريانو د مقدمې دپاره د يو وکيل ضرورت وو او ما دا وکالت نامه د چين نه راوړې ده او اوس به چين په دې مقدمه کې د پاکستان لخوا جنګيږي.

ښاغلي قرېشي د هند سره د کشمير په مسله د امت دا خبره په داسې حال کې کړی چې د هند لخوا د کشمير د ځانګړي حيثيت د ختمولو وروسته د متحده عرب اماراتو د هند دغه ګام د هندوستان کورنۍ معامله ګرځولې او سعودي عرب هم لا څه غبرګون نه دی ښودلی.

راپورونه وايي هندوستان د لوی اختر په موقع د خپل انتظام لاندې کشمير کې په اجتماعي نمونځونو او قربانيو بندېز لګولی او ځايي انتظاميې په خلکو غږ کړی چې په خپلو کوڅو کې نمونځونه وکړي.

مطبوعات وايي په جمو و کشمير کې لارې سړکونه د لوی اختر په موقع هم شاړ پراته وو او ځايي پوليسو په ټويټر خپور کړي پيغام کې ويلي چې د کشمير په بيلا بيلو برخو کې د لوی اختر مراسم په پرامنه ډول ترسره شوي او د کومې بدې پيښې اطلاعات نشته خو د دې پخلی ازادو سرچينو نه دې کړی دی.

دغه رنګ د هند د کورونيو چارو وزارت هم د اختر د نمونځونه په مهال د کشميريانو تصويرونه خپاره کړي خو دا ې نه ده په ډاګه کړې چې دا انځورونه د کشمير په کومه سيمه کې او کله اخيستل شوي دي.