دپاکستان په سياست کې داستخباراتي شبکې( ائي ايس ائي) دشکمن مداخلت په اړه دمقدمې يو مهم کردار يونس حبيب دزيارت په ورځ سترې محکمې ته پيش شوى او خپل بيان يې ريکارډ کړى.
داورونې په موقع دپوځ پخواني مشر اسلم بيګ او دائي ايس ائي پخوانى ډائريکټر جنرل اسد دراني هم دعدالت په کمره کې موجود وؤ.
دچيف جسټس افتخار محمدچوهدري په مشرۍ کې دسترې محکمې درې کسيز بينچ مخ په مخ دمهران بينک پخواني صدر يونس حبيب وويل هغوي په سياست دانانو دپخواني صدر غلام اسحاق خان او اسلم بيګ په وينا پيسې ويشلې وې.
يونس حبيب وويل پخواني پوځي سرلښکر اسلم بيګ هغه ته د35ؤ څخه 40ؤ کروړو روپو دانتظام وينا کړې وه او دهغه سره ددغه امر دمنلو پرته بله چاره نۀ وه.
په ويل چئير راوستل شوي يونس حبيب داورونې وروستو خبريالانو سره دخبرو په مهال وويل په سياست دانانو پيسې ائي ايس ائي او يو تن يوسف ايډوکيټ ويشلې وې.
دپوځ دپخواني سرلښکر اسلم بيګ او ائي ايس ائي دپخواني مشر اسد دراني بيانونه به اوس دجمعې په ورځ ريکارډ کولى شي.
دائي ايس ائي لخوا په شکمنه توګه دمختلفو سياسي ګوندونو په مشرانو دپيسو ويشلو په اړه سينئر سياست دان اصغر خان 1996ء کې يو ائيني درخواست جمع کړى ؤ چې پکې دريځ خپل کړل شوى ؤ دپوځ استخباراتي ادارې په جمهوري نظام کې مداخلت کړى او دخپلو اختياراتو غلط استعمال يې کړى.
اسد دراني ستره محکمه کې جمع کړي خپل بيان حلفي بيان کې اعتراف کړى چې د1990ء دعامو انتخاباتو څخه وړاندې دپاکستان دوژل شوې وزيراعظمې بې نظير بهټو سياسي ګوند پيپلز پارټۍ واضحه اکثريت څخه محرومولو لپاره دهاغه وخت پوځي سرلښکر اسلم بيګ په وينا ائي ايس ائي داسلامي جمهوري اتحاد په نوم دسياسي ائتلاف جوړولو لپاره په سياست دانانو پيسې ويشلې وې.
داصغر خان ائيني درخواست دمختلفو وجوهاتو په اساس دځنډ ښکار ؤ خو په ظاهره دواکمن پيپلز ګوند دځينو مشرانو له لوري ددغه مقدمې په ترجيحي بنيادونو داورونې دغوښتنو څخه وروستو سترې محکمې تيره مياشت داصغرخان په ائيني درخواست دبيا اورونې پيل کولو اعلان کړى ؤ
يونس حبيب : دپوځ دسرلښکر په وينا په سياست دانانو پيسې ويشل شوې وې
يونس حبيب وويل پخواني پوځي سرلښکر اسلم بيګ هغه ته د35ؤ څخه 40ؤ کروړو روپو دانتظام وينا کړې وه او دهغه سره ددغه امر دمنلو پرته بله چاره نۀ وه
