دپاکستان د لاهور ايالتي محکمې يا هائيکورټ مرکزي حکومت ته دلانجمن کالاباغ ډيم جوړولو حکم کړى دى اؤ وئيلي يې دي چې مرکزي حکومت دې د ائين د 154م ارټيکل په اساس خپلې ذمه وارۍ سرته ورسوي.
خو په خيبر پښتونخوا صوبه کې واکمن اؤ مرکزي حکومت کې شريکوال گوند عوامي نيشنل پارټۍ دړکه کړې ده چې ترڅو د باچا خان يو پيروکار هم ژوندى وي دغه ډيم به ترې څوک جوړ نۀ کړي اؤ کۀ جوړوي يې نو ددې دپاره به ورته د هغوئ په لاشونو ورتيريدل وي.
د زيارت په ورځ د لاهور په ايالتي محکمه کې د کالاباغ ډيم د جوړولو په اړه د ورکړل شوي درخواست اوريدنه وشوه.
په دغه مهال د درخواست ورکوونکي وکيل دريځ خپل کړو چې په کال 1991ء کې د گډو گټو کونسل د کالاباغ ډيم د جوړولو منظوري ورکړې وه خو حکومت دغه ډيم تر دې مهاله جوړ نه کړو.
د کيس اوريدنې په مهال دپاکستان مرکزي حکومت محکمه کې جواب ورکړو چې د کالاباغ ډيم په ضد دخيبرپښتونخوا،سندهـ اؤ بلوچستان اسمبلو قراردادونه منظورکړي دي ځکه دغه ډيم نۀ دى جوړکړل شوى.
ددواړو خواو د دليلونو اوريدو څخه وروستو د ايالتي محکمې مشر قاضي يا چيف جسټس عمر عطاء بنديال دکالاباغ ډيم جوړولو په امر ورکولو سره مرکزي حکومت ته وويل چې بايد دائين د 154م ارټيکل لاندې په دغه هکله خپلې ذمه وارۍ سرته ورسوي.
د لاهور هائيکورټ لۀ لوري د لانجمن کالاباغ ډيم جوړولو په حکم دخيبرپښتونخوا واکمن گوند عوامي نيشنل پارټۍ د خپل سخت غبرگون ښودلو په ترڅ کې وئيلي دي د محکمې دغه پريکړه په تعصب اؤ نفرت ولاړه ده اؤ اى اين پي به هيچاته ددغه ډيم جوړولو اجازه ورنۀ کړي.
وائس اف امريکه ډيوه راډيو سره په خبرو کې د عوامي نيشنل گوند مرکزي وياند سناتور زاهد خان وويل
”مونږ دلاهور هائيکورټ دغه حکم په يو صورت هم نۀ منو ځکه چې دا کومه قانوني مسله نۀ بلکې د پښتنو د ژوند اؤ مرگ مسله ده“
هغه وويل دلاهورد ايالتي محکمې دغه پريکړه به دصوبو ترمينځ نفرتونه وزيږوي اؤ کۀ چرې د پاکستان د هرې صوبې هائيکورټ دغه رقم لانجمنې اؤ متنازعه پريکړي شروع کړي نو ايا په دې خبره غور شوى چې دپاکستان حالات به په کوم لوري لاړ شي؟
سناتور زاهد خان وويل کالا باغ ډيم کومه سياسي يا قانوني ستونزه نۀ ده چې هائيکورټ دې پرې پخپله خوښه فيصله ورکړي بلکې دا ديوې صوبې د وگړو د ژوند اؤ مرگ مسله ده اؤ د پاکستان د دريوؤ صوبو منتخبو اسمبلو يې په ضد قراردادونه وړاندې کړي دي .
هغه وويل هرکله چې دلاهور هائيکورټ د دريوو صوبو د اولس د رائيو په ضد پريکړه ورکوي نو دا اوس دپاکستان د سترې محکمې ذمه واري جوړيږي چې دعدليې د وقار ساتلو دپاره ددغه پريکړې په ضد پخپله نوټس واخلي اؤ دلاهور هائيکورټ فيصله کالعدم وگرځوي گنې په بل صورت کې به دغه پريکړه ډيرې خرابې اغيزې ولري.
دعوامي نيشنل پارټۍ وياند وويل زمونږ مشرانو د تيرو پنځوسو کالو راهسې دکالاباغ ډيم په ضد غږ پورته کړى اؤ پرون چې څنگه باچا خان وئيلي وؤ چې د کالاباغ ډيم جوړولو دپاره به خلکو ته زمونږ په لاشونو تيريدل وي نن هم مونږ په ډاگه وايو چې کۀ څوک کالاباغ ډيم خامخا جوړوي اؤ پښتانۀ په اوبو لاهو کوي نو دهغې دپاره به ورته زمونږ په لاشونو تيريدل وي.
هغه دمحکمې په دغه پريکړه هم کلکه نيوکه وکړه اؤ وئ وئيل چې دمحکمې لۀ لوري ددغه رقم پريکړو سره داپوښتنه راولاړيږي چې پرون ټول قام د عدليې دپاره دومره قربانۍ ددې ورځې دپاره ورکولې چې سبا دې عدليه صوبې خپلو کې وجنگوي؟
بل لوري ته د خيبر پښتونخوا د وکيلانو نوميالي مشر اؤ قانوندان عبداللطيف اپريدي اعلان کړى دى چې د لاهورهائيکورټ ددغه فيصلې په ضد به پخپل سر سترې محکمې ته رجوع کوي اؤ ثابتوي به چې د لاهور دايالتي محکمې دغه پريکړه يو اړخيزه اؤ بې انصافۍ اډاڼه ده.
ډيوه راډيو سره دخبرو په مهال ښاغلي لطيف اپريدي وويل کالاباغ ډيم يوه داسې متنازعه مسله ده چې دملک دريوؤ صوبو يې په ضد قراردادونه پاس کړي دي اؤ هرکله چې د لاهور هائيکورټ دغه پريکړه کولى نوپه اخلاقي اؤ قانوني توگه ضرورت ددې خبرې وؤ چې د کيس اوريدنې په مهال يې خيبرپښتونخوا،سندهـ اؤ بلوچستان ته هم نوټسونه ورکړي وؤ اؤ هغوئ يې هم اوريدلى وى چې تاسو دکالاباغ ډيم په هکله څه موقف لرئ؟ ځکه چې دا يوازې دپنجاب دگټو مسله نۀ بلکې د ټول ملک د اولس دبقاء مسله ده.
هغه وويل هرکله چې هائيکورټ دکالاباغ ډيم په اړه يو اړخيزه پريکړه وکړه نودا اوس د دريوو صوبو ذمه واري اؤ قانوني حق جوړيږي چې ددغه فيصلې خلاف سترې محکمې ته مراجعه وکړي خو کۀ چرې سياستدانان دغسې نۀ هم کوي نو پخپله هغه اؤ نور وکيلان ملگري به يې دسياسي تړون څخه پرته پخپل سر دلاهور هائيکورټ دغه پريکړه په سپريم کورټ کې چيلنج کوي .
هغه وويل کۀ چرې سپريم کورټ هم د لاهور هائيکورټ فيصله پځايې وساتله نو دا به ډيره لويه بد قسمتي وي اؤ منفي اثرات به يې دپاکستان په بقاء اؤ سالميت مرتب کيږي
خو په خيبر پښتونخوا صوبه کې واکمن اؤ مرکزي حکومت کې شريکوال گوند عوامي نيشنل پارټۍ دړکه کړې ده چې ترڅو د باچا خان يو پيروکار هم ژوندى وي دغه ډيم به ترې څوک جوړ نۀ کړي اؤ کۀ جوړوي يې نو ددې دپاره به ورته د هغوئ په لاشونو ورتيريدل وي.
د زيارت په ورځ د لاهور په ايالتي محکمه کې د کالاباغ ډيم د جوړولو په اړه د ورکړل شوي درخواست اوريدنه وشوه.
په دغه مهال د درخواست ورکوونکي وکيل دريځ خپل کړو چې په کال 1991ء کې د گډو گټو کونسل د کالاباغ ډيم د جوړولو منظوري ورکړې وه خو حکومت دغه ډيم تر دې مهاله جوړ نه کړو.
د کيس اوريدنې په مهال دپاکستان مرکزي حکومت محکمه کې جواب ورکړو چې د کالاباغ ډيم په ضد دخيبرپښتونخوا،سندهـ اؤ بلوچستان اسمبلو قراردادونه منظورکړي دي ځکه دغه ډيم نۀ دى جوړکړل شوى.
ددواړو خواو د دليلونو اوريدو څخه وروستو د ايالتي محکمې مشر قاضي يا چيف جسټس عمر عطاء بنديال دکالاباغ ډيم جوړولو په امر ورکولو سره مرکزي حکومت ته وويل چې بايد دائين د 154م ارټيکل لاندې په دغه هکله خپلې ذمه وارۍ سرته ورسوي.
د لاهور هائيکورټ لۀ لوري د لانجمن کالاباغ ډيم جوړولو په حکم دخيبرپښتونخوا واکمن گوند عوامي نيشنل پارټۍ د خپل سخت غبرگون ښودلو په ترڅ کې وئيلي دي د محکمې دغه پريکړه په تعصب اؤ نفرت ولاړه ده اؤ اى اين پي به هيچاته ددغه ډيم جوړولو اجازه ورنۀ کړي.
وائس اف امريکه ډيوه راډيو سره په خبرو کې د عوامي نيشنل گوند مرکزي وياند سناتور زاهد خان وويل
”مونږ دلاهور هائيکورټ دغه حکم په يو صورت هم نۀ منو ځکه چې دا کومه قانوني مسله نۀ بلکې د پښتنو د ژوند اؤ مرگ مسله ده“
هغه وويل دلاهورد ايالتي محکمې دغه پريکړه به دصوبو ترمينځ نفرتونه وزيږوي اؤ کۀ چرې د پاکستان د هرې صوبې هائيکورټ دغه رقم لانجمنې اؤ متنازعه پريکړي شروع کړي نو ايا په دې خبره غور شوى چې دپاکستان حالات به په کوم لوري لاړ شي؟
سناتور زاهد خان وويل کالا باغ ډيم کومه سياسي يا قانوني ستونزه نۀ ده چې هائيکورټ دې پرې پخپله خوښه فيصله ورکړي بلکې دا ديوې صوبې د وگړو د ژوند اؤ مرگ مسله ده اؤ د پاکستان د دريوؤ صوبو منتخبو اسمبلو يې په ضد قراردادونه وړاندې کړي دي .
هغه وويل هرکله چې دلاهور هائيکورټ د دريوو صوبو د اولس د رائيو په ضد پريکړه ورکوي نو دا اوس دپاکستان د سترې محکمې ذمه واري جوړيږي چې دعدليې د وقار ساتلو دپاره ددغه پريکړې په ضد پخپله نوټس واخلي اؤ دلاهور هائيکورټ فيصله کالعدم وگرځوي گنې په بل صورت کې به دغه پريکړه ډيرې خرابې اغيزې ولري.
دعوامي نيشنل پارټۍ وياند وويل زمونږ مشرانو د تيرو پنځوسو کالو راهسې دکالاباغ ډيم په ضد غږ پورته کړى اؤ پرون چې څنگه باچا خان وئيلي وؤ چې د کالاباغ ډيم جوړولو دپاره به خلکو ته زمونږ په لاشونو تيريدل وي نن هم مونږ په ډاگه وايو چې کۀ څوک کالاباغ ډيم خامخا جوړوي اؤ پښتانۀ په اوبو لاهو کوي نو دهغې دپاره به ورته زمونږ په لاشونو تيريدل وي.
هغه دمحکمې په دغه پريکړه هم کلکه نيوکه وکړه اؤ وئ وئيل چې دمحکمې لۀ لوري ددغه رقم پريکړو سره داپوښتنه راولاړيږي چې پرون ټول قام د عدليې دپاره دومره قربانۍ ددې ورځې دپاره ورکولې چې سبا دې عدليه صوبې خپلو کې وجنگوي؟
بل لوري ته د خيبر پښتونخوا د وکيلانو نوميالي مشر اؤ قانوندان عبداللطيف اپريدي اعلان کړى دى چې د لاهورهائيکورټ ددغه فيصلې په ضد به پخپل سر سترې محکمې ته رجوع کوي اؤ ثابتوي به چې د لاهور دايالتي محکمې دغه پريکړه يو اړخيزه اؤ بې انصافۍ اډاڼه ده.
ډيوه راډيو سره دخبرو په مهال ښاغلي لطيف اپريدي وويل کالاباغ ډيم يوه داسې متنازعه مسله ده چې دملک دريوؤ صوبو يې په ضد قراردادونه پاس کړي دي اؤ هرکله چې د لاهور هائيکورټ دغه پريکړه کولى نوپه اخلاقي اؤ قانوني توگه ضرورت ددې خبرې وؤ چې د کيس اوريدنې په مهال يې خيبرپښتونخوا،سندهـ اؤ بلوچستان ته هم نوټسونه ورکړي وؤ اؤ هغوئ يې هم اوريدلى وى چې تاسو دکالاباغ ډيم په هکله څه موقف لرئ؟ ځکه چې دا يوازې دپنجاب دگټو مسله نۀ بلکې د ټول ملک د اولس دبقاء مسله ده.
هغه وويل هرکله چې هائيکورټ دکالاباغ ډيم په اړه يو اړخيزه پريکړه وکړه نودا اوس د دريوو صوبو ذمه واري اؤ قانوني حق جوړيږي چې ددغه فيصلې خلاف سترې محکمې ته مراجعه وکړي خو کۀ چرې سياستدانان دغسې نۀ هم کوي نو پخپله هغه اؤ نور وکيلان ملگري به يې دسياسي تړون څخه پرته پخپل سر دلاهور هائيکورټ دغه پريکړه په سپريم کورټ کې چيلنج کوي .
هغه وويل کۀ چرې سپريم کورټ هم د لاهور هائيکورټ فيصله پځايې وساتله نو دا به ډيره لويه بد قسمتي وي اؤ منفي اثرات به يې دپاکستان په بقاء اؤ سالميت مرتب کيږي
