د جاپان حکومتی شمېره ښایي چې خاوندان په ښځو او ښځې په مړونو تشدد کوي خو یو هم بل وژلې نه دې.
د 2011م کال د حکومتي شمېرې ترمخه 32.9 فېصده ښځې د کورني تشدد ښکار شوي دي. 18.3 سړو هم په سروې کې ویلي چې ښځو پرې زور زیاتې کړې.
په جاپان کې د کورني تشدد دا شمېره د پاکستان نه ډیره بدله ده.
د پاکستان د بشري حقونو کمېشن تېرکال په هېواد کې د وژل شوؤ ښځو شمېر 1200ؤ پورې ښودې.
کمېشن په خپل رپورټ کې واضح نه وایي چې دغه ښځې مړونو او که د کورنو نارینه غړو وژلي دي خو وایي په 1200ؤ کې 396 ښځې د وژل کېدو نه وړاندې د جنسي تېري ښکار شوي هم دي.
په 38 ښځو باندې تېزاب وراچول شوي ؤ او لسو ښځو د سر ویښته خرول شوي ؤ.
د پاکستان د بشري حقونو کمېشن 2010 م کال رپورټ له نور د بدترو قېصو نه ډک دې.
دغه کال 1790 ښځې وژل شوي وې.
په دوي کې 452 ښځې خپلو مړونو وژلي وې، 225 نورې وروڼو، 58 زمنو، 50 پلارنو، 36 خاوند کورنیو او 228 خپلو خپلوانو وژلي وی.
په پاکستان کې د روایتي او قبایلي دود دستور له امله اکثره د کورني تشدد رپورټ پولیسو یا د ټولنې نور څارنکو ډلو ته نه ورکول کېږي.
نه هم په کور کې دننه د ښځې او خاوند ترمنځ اړیکې څوک باهر چاته ښکاره کوي او نه یې په غېر دولتي یا حکومتی کچه څارنه یا شمېره کېږي. خو جاپان کې حکومتی سروې د ښځو او خاوندانو نه دا هم پوښتلي چې ترمنځ یې جنسي اړیکې څه ډول دي.
ددغه پوښتنې په ځواب کې حکومتی سروې وایي 14.1 فېصده ښځې وایي خاوندانو د هغوي د رضا خلاف په جنسي عمل مجبوره کړي.
دغه شان 4.3 فېصده خاوندان وایي د دوي خوښې خلاف خپلو ښځو ورسره په زور کوروالی کړې.
دا چې پاکستان کې هم د ښځې او خاوند ترمنځ داسې کېږي او که نا؟ ځواب یې پکار ده.
حکومتي او غېر دولتي ادارې د کورني تشدد په اړه د معلوماتو ټولولو په وخت په خپلو سروې گانو کې وپوښتي.
