د جاپان سر ښار ټوکیو کې سکیجی د نړۍ تر ټولو غټ یا لوى د کبانو بازار گڼلی کیږی.
حکومتی شمیره ښایی په بازار کښې نزدی ۶۵۰۰۰ خلک روزګار کوي.
غټ سوداګر کبان د سمندر نه بازار ته رسوي.
ځنی يی بازار کې نرخونه مقرر کوي او نور لوۍ او واړه سوداګر د نرخونو او پیسو ورکولو وروستو خپله برخه مال ځاې ته رسوي.
په بازار کښې دننه مزدوران په وړو وړو ګاْډو کې کبان د یو ګودام نه بل ګودام ته رسوي.
ځنې نور یی په پیټو کښې بندوي او څوک یی په ارو او چړو باندي په منځ نیموي.
دا ټول کارکونکی د شپي دري بجی ځانونه سکیجی ته رسوي، سحر پېنځه بجی د تازه مال بولی کیږی او چی ۱۱ بجی کیږی نو بازار بیرته تړلی شوي وي.
سکیجی بازار ته د تماشي لپاره هم د سحرپېنځو بجو پوری رسیدل ضروري دي.
ځکه چې ددغه وخت نه وروستو کبان بیا به ډبو کښې بندول شوي وي.
په سکیجی کښې هره ورځ نژدی ۳ زره ټنه کبان اغستل او خرڅول کیږی.
په غټو ماهیانو کښې د وهیل او ټونا نه واخله تر ورکوټي مهی او نورو سمندری جرړو بوټو پوری سمندری خوراک د سکیجی بازارنه د جاپان نورو سیمو او بهرنو هیوادونو ته خوریږی.
په دی بازار کښې د کال سر د سوداګرۍ اندازه د شپږو بلینو ډالرو پوری ده.
د خوراکې موادو په دی تهوک بازار کښې دا د بل هر بازار نه تر ټولو لویه کلیزه سودا ګڼل کیږی.
ځایی تاریخی قیصه وایي چی د شپاړسمی پیړۍ د ایډو(چی اوس ورته ټوکیو وایی) واکمنو د اٌساکا مچی ماران ایډو ته اوغوښتل چی د اوسنی ټوکیو هغه وخت قلعه لپاره کبان اونیسی.
مچی مارانو به د هاغه وخت واکمنو ته د هغو د ضرورت نه پاتی کبان ځان له خرڅول.
د کبانو دغه پخوانې کاروبار په اوسني ځایی کښې نه ؤ.
په کال ۱۹۳۲م کښې د کانټو نومی زلزلی وروسته د کبانو بازار اوسنی سکیجی ته یوړل شو. سکیجی د جاپانۍ ژبی ټکی دی چې معنه يی (جوړشوی) دی.
د ټوکیو ښار حکومت وایی چې د سکیجی د کبانو بازار په قیمتی زمکه باندی جوړ دی.
او پلان لري چې د کبانو نوی بازار بل ځایی ته یوسی.
د اوسنی بازار یو خوند دا دی چې دا د ټوکیو په منځ کښې دی. د هری خوا نه ورته کتونکی او دلته په روزګار خلک ورتلی شی.
او بله دا چی ګیر چاپیره ورسره په سلګونو ریسټورنټونه جوړ شوي دي.
هر سحر په دغه ریسټورنټونو کښې کارکونکو او نندارچیانو د چایو سره کبان خوړل د سکیجی معمول او د تماشی یوه مهمه برخه جوړه شوی ده
