دچاپیریال په بدلون کارکوونکي د جرمني يو غيردولتي سازمان جرمن واچ يو تازه رپورټ کې ويلي دي چې د موسمي بدلون د بدو اغيزو سره دمخ لسو هېوادونو په قطار کې پاکستان په اووم نمبر ولاړ دی.
دغه سازمان وایي د موسمي بدلون له کبله د رامينځ ته شوو پيښو له امله د تيروشلو کالو په مهال يې د لس زرو نه زيات کسان وژلي او اقتصاد ته یې د ٣.٨ ميلنه ډالره نقصان اړولی دی.
د جرمن واچ لخوا د کال ٢٠١٨ لپاره جاري کړل شوي رپورټ کې ويل شوي چې د شتمنو هېوادونو په پرتله وروستي پاتي ملکونه دچاپیریال رامینځته شوی بدلون زيات ځپلی شي .
جرمن واچ د خپل کال ٢٠١٦ د کلايميټ رسک انډيکس د شميرو په اساس وایي دچاپیریال د بدلون د بدو اثراتو سره مخ ١٠ هېوادنو کې پاکستان په ٧ نمبر ولاړ دی او ددې له کبله پاکستان کې هر کال ٥٣٢ کسان مري چې د تيرو شلو کلونو شميرې څه دپاسه لس زره نفر جوړيږي .
دغه راپور مخکې ليکي چې د کال ١٩٩٧ او ٢٠١٦ په مينځ موده کې موسمي بدلون رامینځته کړو پيښو د پاکستان اقتصاد ته د ٣.٨ بيلنه ډالرو زيان رسولی دی .
د رپورټ ترمخه تيرو کلونو کې د پاکستان دننه د موسمي بدلون له کبله ١٤١سترې پيښې رامينځ ته شوي چې پکې سيلابونه ، دوارو ویلي کيدل ، طوفانونه او تودوخه شامل ده .
اسلام اباد کې د چاپیریال پوهنې یو پوهه عاشق حسين احمد ډيوه ريډيو ته وایي هېواد کې د واورو د ګټانو په چټکتیا سره ویلي کيدل تر ټولو جدي ګواښ دی چې له کبله یې د اوبو کچه ٧ فيصدي ته راکوزه شويده .
هغه وایي ترټولو غټه خطره د اوبو ده . د اوبو کميدل او د ملکي ابادۍ سيوا کيدل به يو داسې حالت جوړ کړي چې ورسره به خوراک کم شي .
ښاغلی عاشق حسين بيا وایي بايد چې د هېواد اولس او په ځانګړي ډول زمينداران ځانونه بدليدونکي ماحول سره ځان سم کړي . داسې فصلونه به کرل وي چې د اوبو د کمي او د ماحولياتي بدلون له کبله رامينځ ته کيدونکي تودوالی زغملی شي
1
